28 أبريل، 2013

طريقة حساب معدل الضغطات المطلوب أو الأفريج المختلف

طبعاً معظمنا عارف موضوع الأفريج أو معدل الضغطات المطلوب من الريفيرال المؤجر بس كان فيه نقطة مهمة حبيت أنبه الأعضاء عليها وهي إنك لما تعمل تمديد لمدد مختلفة للريفيرال المؤجر إللي عندك أو مثلاً قمت بالتمديد للريفيرال المؤجر اللي عندك لمدة 30 يوم وبعد كده عملت تأجير لريفيرالز جديدة بالتالي هيبقى فيه إختلاف في قيمة الأفريج عشان اللي عملتلهم تمديد لـ 30 يوم على سبيل المثال بقى الأفريج بتاعهم 1.267 لكن اللي لسه مأجرهم الأفريج بتاعهم هيبقى 1.334 وبكده هيبقى فيه إختلاف في القيمة الفعلية للأفريج المطلوب واللي المفروض العضو ما يقلش عنه عشان ما يبقاش خسران

ملحوظة: طريقة الحساب الأتية هتبقى مثال بسيط على العضوية العادية يعني لو فيه عضو جولدن أو غيره ينتبه لقيم الأفريج إللي في عضويته ويطبق عليها نفس طريقة الحساب

طريقة حساب الأفريج الفعلي بعد التمديد للريفيرال المؤجر مدد مختلفة هي طريقة حسابية بسيطة كالآتي

هنفرض على سبيل المثال

إن عضو معاه 200 ريفيرال مؤجر وعمل تمديد لـ 50 ريفيرال 90 يوم إضافية وعمل للـ 150 ريفيرال الباقيين تمديد لمدة 150 يوم إضافية وعاوز يعرف قيمة الأفريج الجديد أو معدل الضغطات المطلوبة على الأقل الجديد

فيتم الحساب كالآتي

أولاً إستناداً لقيم أفريج الريفيرال المؤجر في العضوية العادية في حالة التأجير من 1 إلى 250 ريفيرال


*Renewing for 15 days:.....1,333
*First renting month:......1,333
*Renewing for 30 days:.....1,267
*Renewing for 60 days:.....1,200
*Renewing for 90 days:.....1,089
*Renewing for 150 days:....1,000
*Renewing for 240 days:....0,933

عشان السعر بعد تأجير 250 زي ما إحنا عارفين بيرتفع قليلاً بالتالي الأفريج بيختلف

المهم نكمل

من الأفريج السابق نلاحظ إن قيمة الأفريج بعد التمديد لـ 90 يوم أصبحت 1.089 في اليوم وإن القيمة بعد التمديد لـ 150 يوم أصبحت 1.000 وعاوزين نعرف الأفريج الفعلي والكلي واللي المفروض الـ 200 ريفيرال اللي إحنا فرضناهم على سبيل المثال فيه منهم 50 مددنا لهم لـ 90 يوم و 150 ريفيرال مددنا لهم لمدة 150 يوم

نقوم بضرب قيمة الأفريج في حالة التمديد لمدة 90 يوم في عدد الريفيرال اللي إتمدد لهم لـ 90 يوم بعد كده نجمع الناتج على قيمة الـ 150 ريفيرال مضروبة في الأفريج بتاع التمديد لـ 150 يوم إضافية ونقسم الناتج على العدد الكلي وهو 200 ريفيرال كالآتي

Calculate [(50 X 1.089) + (150 X 1.000)] / 200 = 1.022 <== "The New Average" or "The Break Even Point You Must Reach"

القيمة الجديدة للأفريج الفعلي المطلوب من الريفيرال المؤجر الكلي كل يوم هو القيمة الجديدة اللي عليها هاي لايت

وهكذا

ملحوظة هامة: طبعاً ده مثال مبسط جداً يعني لو فيه إختلاف في مدة التمديد وعدد الريفيرال ونوع العضوية بيتم الأخذ في الإعتبار القيم الأساسية للأفريج في العضوية المراد معرفة الأفريج عندها وعدد الريفيرال ومدد التأجير المختلفة

تعليقات
0 تعليقات