28 أبريل، 2013

التمديد وعلاقته بالريفيرال المؤجر


الأعضاء الكرام

التوبيك ده أنا كنت كتبت توبيك شبيه ليه زمان بس طبعاً التوبيك بقى في الأرشيف وغالبية الأعضاء مش بتشوف التوبيك بالأخص الأعضاء الجدد وعشان أهمية الموضوع أنا قولت هعيد كتابة التوبيك مع التعديل فيه

ومن خلال متابعتي في الفترة الأخيرة في المنتدى لاحظت مشاكل وإستفسارات كتير من الأخوة العرب بخصوص الريفيرال المؤجر بس للأسف المشكلة بتبقى غلطة بعد كده ممكن تخسر العضو كتير

وهي غلطة "التمديد أو عدم التمديد للريفيرالز المؤجر" وللأسف الغلطة دي بتخسر الأعضاء كتير أوي وده بسبب قلة الخبرة أو بمعنى تاني التكاسل في عدم القراءة أكتر وأكتر عن طريقة الربح هنا وعن طريقة إستخدام الموقع أو الديناميكية والنظام اللي بيشتغل بيها الموقع وده طبعاً بيرجع لأن في بعض من الأعضاء العرب مهارات قرائتهم في اللغة الإنجليزية مش عالية

طبعاً مش كل الأعضاء هنا مش عارفين اللي هقوله بس بجد أنا ملاحظ الغالبية مش عارفين الموضوع ده والمشكلة الأكبر إن أنا بشوف أعضاء بتنصح أعضاء غلط "ده طبعا من غير قصد" وطبعا الأعضاء بيمشوا على كلامهم

زي مثلاً عضو يحط صورة الريفيرالز المؤجر اللي عنده أو يقول إن الريفيرالز المؤجر اللي عنده مش شغالين كويس ومش عارف يمدد لهم ولا يعمل إيه يروح عضو آخر ينصحه نصيحة خاطئة وهي على سبيل المثال "الريفيرال اللي مش بيضغط كويس ما تعملش ليه تمديد والريفيرال اللي بيضغط كويس مدد له" وده طبعا غلط تماماً

عشان لازم تجدد الريفيرالز إن كانوا نشيطين أو لا "التمديد مش ليه أي علاقة بالريفيرال لو كان نشط أو لأ" وده من الأخر مثال للتوضيح:

إنت عندك 10 ريفيرالز هنمثلهم بـ 10 كراسي كل كرسي قاعد عليه واحد بيشوف إعلانات لحسابك وإنت بتدفع للعشر كراسي دول 2.00 دولار في الـ 30 يوم "ركز أنا بقول بتدفع للكراسي مش للأشخاص" وبعد كده لقيت إن في 3 أشخاص بتكسل ومش بتشوف إعلاناتك وفاضل كام يوم ولازم تجدد للعشر كراسي هل هتجدد للسبع كراسي اللي عليهم 7 أشخاص بيشوفوا إعلانات ليك وتسيب الـ 3 كراسي تنتهي مدة إشتراكهم ويروحوا عليك ؟!

أكيد لا عشان في الحالة دي هتبقى كده مش خسرت 3 أشخاص لا إنت كده خسرت 3 كراسي كان عليها 3 أشخاص مش بيضغطوا على إعلانات ده غير كمان إن لما تسيب الكراسي تروح عليك "الريفيرالز مدته تنتهي" هتخسر فلوس عشان فيه تكلفة للريفيرال اللي بتسيبه ينتهي مدته والتكلفة دي للريفيرال الواحد كالآتي حسب العضوية والباكيج والمدة:


  • عضوية عادية: 2 سنت للريفيرال
  • عضوية ذهبية: 4 سنت للريفيرال
  • عضوية ذهبية مع جولدن باكيج: 5 سنت للريفيرال
  • عضوية ذهبية بعد مرور سنة: 3 سنت للريفيرال
  • عضوية ذهبية مع جولدن باكيج بعد مرور سنة: 2 سنت للريفيرال


طيب إيه الحل ؟؟

طبعاً الحل في الريسايكل وده حسب الأفريج لكل ريفيرال مؤجر عندك ودي قيم الأفريج للعضوية الأستاندرد والعضوية الجولدن حسب الأسعار الحالية للتأجير والتمديد


أولاً أفريج العضوية العادية


  • أفريج الريفيرال المؤجر في العضوية العادية في حالة التأجير من 1 إلى 250 ريفيرال


*Renewing for 15 days:.....1,333
*First renting month:........1,333
*Renewing for 30 days:.....1,267
*Renewing for 60 days:.....1,200
*Renewing for 90 days:.....1,089
*Renewing for 150 days:...1,000
*Renewing for 240 days:...0,933


  • أفريج الريفيرال المؤجر في العضوية العادية في حالة التأجير من 251 إلى 300 ريفيرال


*Renewing for 15 days:.....1,467
*First renting month:........1,400
*Renewing for 30 days:.....1,333
*Renewing for 60 days:.....1,267
*Renewing for 90 days:.....1,156
*Renewing for 150 days:...1,053
*Renewing for 240 days:...0,983

وعشان اللي مش عارف ليه الأفريج بيزيد بعد تأجير 250 ريفيرال عشان سعر التأجير بيزيد بعد تأجير 250 ريفيرال بدل 0.20$ يعني 20 سنت للريفيرال المؤجر الواحد وبيبقى 0.21$ يعني 21 سنت مع العلم إن الحد الأقصى للتأجير في العضوية العادية هو تأجير 300 ريفيرال فقط


ثانياً أفريج العضوية الجولدن

حسب عدد الريفيرالز المؤجر عند العضو


  • 200 Referrals


*Renewing for 15 days:.....0,790 (0,667)
*First renting month:........0,790 (0,667)
*Renewing for 30 days:.....0,757 (0,633)
*Renewing for 60 days:.....0,723 (0,600)
*Renewing for 90 days:.....0,668 (0,544)
*Renewing for 150 days:...0,623 (0,500)
*Renewing for 240 days:...0,590 (0,467)


  • 500 Referrals


*Renewing for 15 days:.....0,783 (0,733)
*First renting month:........0,749 (0,700)
*Renewing for 30 days:.....0,716 (0,667)
*Renewing for 60 days:.....0,683 (0,633)
*Renewing for 90 days:.....0,627 (0,578)
*Renewing for 150 days:...0,576 (0,527)
*Renewing for 240 days:...0,541 (0,492)


  • 1200 Referrals


*Renewing for 15 days:.....0,821 (0,800)
*First renting month:........0,821 (0,800)
*Renewing for 30 days:.....0,787 (0,767)
*Renewing for 60 days:.....0,737 (0,717)
*Renewing for 90 days:.....0,676 (0,656)
*Renewing for 150 days:...0,621 (0,600)
*Renewing for 240 days:...0,579 (0,558)


  • 2000 Referrals


*Renewing for 15 days:.....0,946 (0,933)
*First renting month:........0,912 (0,900)
*Renewing for 30 days:.....0,879 (0,867)
*Renewing for 60 days:.....0,829 (0,817)
*Renewing for 90 days:.....0,746 (0,733)
*Renewing for 150 days:...0,686 (0,673)
*Renewing for 240 days:...0,641 (0,629)

القيمة اللي داخل القوس هي قيمة الأفريج المطلوبة بدون ثمن العضوية الجولدن

القيمة اللي خارج القوس هي قيمة الأفريج المطلوبة مضاف إليها ثمن العضوية الجولدن

مع العلم إن الحد الأقصى للتأجير في العضوية الجولدن هو تأجير 2000 ريفيرال وبعد كده تقدر تأجر عن طريق الرينتال كيو

خاصية الـ
Rental Queue

وشرحها كالآتي

إن الأعضاء اللي معاهم عضوية جولدن أو جولدن وباكج إضافية زي الألتيميت يقدروا يستخدموا الرينتال كيو حتى بعد الحدود القصوى لتأجير الريفيرال واللي هي في الألتميت 4000 ريفيرال

وفي الحالة دي بيضاف مبلغ قيمته 0.60$ على قيمة الريفيرال الأصلية زائد مبلغ قيمته 0.01$ على كل 100 ريفيرال إضافية على إن تصل قيمة الزيادة بحد أقصى 1.20$ للريفيرال الواحد

بمعني تاني للتوضيح لو إنت أجرت خلاص ووصلت للـ 4000 ريفيرال وعاوز تأجر تاني هتبقى قيمة الريفيرال الواحد 0.27$ + 0.60$ + 0.01$ لكل ريفيرال ولأول 100 ليكون المجموع الكلي للريفيرال الواحد 0.88$ وتزيد 0.01$ بعد كل 100 ريفيرال يتم تأجيرهم تباعاً أي 0.89 و 0.90 و 0.91 و 0.92 وهكذا حتى تصل إلى 1.20$ وبتثبت القيمة

باقي قيم الأفريج المطلوبة للعضوية الجولدن مع الباكيج الإضافية موجودة في الموضوع الأصلي لقيم الأفريج للعضو

GrTaMaster

Limit Values of Averages

وعلى أساس الأفريج بيتم تغيير الريفيرال لو كان مش نشط لمدة من 5 لـ 6 أيام على متواصلة أو لو كان مش بيأدي الوظيفة المطلوبة منه يعني مش هيكون مربح ليك في طريقة ومشاهدة عدد الإعلانات اللي مفروض يشوفها


  • سعر الريسايكل في العضوية العادية 0.07$ يعني 7 سنت


وده توضيح الفرق بين عمل الريسايكل وترك الريفيرال تنتهي مدته وبمثال حي

لما تإجر 3 ريفيرال بـ 0.60$ يعني 60 سنت وكانوا مش بيضغطوا كويس ومعدل ضغطاتهم مش كويس

تعالى نحسبها مع بعض

لو سيبتهم يروحوا هما الـ 3 منك وتدفع على كل واحد 2 سنت يعني المجموع 6 سنت دلوقتي بقى معاك إيه ؟؟ ما بقاش معاك ولا ريفيرال .. مش كده ؟؟

هتسكت على كده ؟؟ مش هتأجر تاني ؟؟ أكيد هتأجر !!

طيب لما تأجر تاني هتدفع كام ؟؟ هتدفع 0.60$ يعني 60 سنت من تاني

إجمع عليهم الـ 6 سنت اللي إتخصموا منك لما سيبت الريفيرال يروحوا منك يبقى المجموع 0.66$ يعني 66 سنت

يبقى إنت كده دفعت 66 سنت في أخر المشوار ده وبقى معاك 3 ريفيرالز جداد يا عالم برضه هيضغطوا كويس ولا لأ

ولا كان الأفضل ليك إنك من الأول لما لقيت الـ 3 ريفيرالز مش بيضغطوا مثلاً كلهم تعملهم ريسايكل كلهم بـ 0.21$ يعني 21 سنت فقط وهيبقى برضه معاك 3 ريفيرالز جداد

أيهما أفضل تدفع 66 سنت أم تدفع 21 سنت ؟؟؟

أكيد مش محتاجه تفكير

يعني هكررها تاني ومن الأخر

تمديد الريفيرال المؤجر مالهوش أي علاقة بنشاط الريفيرال المؤجر

أتمنى إن التوبيك والشرح يكون وافي وأنا عارف إني طولت جداً في الشرح بس أنا على قد ما قدرت حاولت أبسط الموضوع ليكم ولو فيه أي إستفسار هرد أكيد عليه في أقرب وقت

بالتوفيق للجميع

تعليقات
0 تعليقات